西貢「壹屋子 Sons’ Lab」台灣菜開業初期，我曾經俾過個麻麻地嘅評語，之後聽街坊講有改善、再試的確有好大進步；後來再食左幾次，我諗我好應該企返出嚟幫佢洗下底。
鹽酥雞自從開業至今都係一貫地出色嘅，外皮夠乾脆，炸花枝丸都唔錯。而初期調味不足與口感嘅問題已大大改進。新加入嘅牛肉麵，湯底香濃、麵條煙韌彈牙，滷肉飯有油香、調味都很對辦，溏心蛋有浸泡過醬油唔再係白雪雪；米飯嘅濕度都好左，甜品濃度亦有改進，只係個人認為都係偏淡，同埋宜蘭蔥餡餅太乾。
實在欣賞佢地有耐心聽從意見反映，同埋有心改善同諗辦法做得更好嘅，值得支持佢地繼續努力經營落去，希望將來會做得更好啦 👍